දකුණු අප්‍රිකාව සහ ශ්‍රී ලංකා කණ්ඩායම අතර එක්දින තරගාවලිය අද (28) ආරම්භ වනවා.
තරග 05 කින් යුත් එක්දින තරගාවලියට නායකත්වය ලබා දෙන්නේ උපුල් තරංගයි.
ශ්‍රී ලංකා – දකුණු අප්‍රිකානු එක්දින තරගාවලියේ පළමු එක්දින තරගය පෝට් එළිසබත්හිදී ආරම්භවීමට නියමිත අතර, විස්සයි20 තරගාවලියේදී විවේක ගැන්වූ දකුණු අප්‍රිකානු ජ්‍යෙෂ්ඨයෝ සියලුදෙනා මෙම තරගයට සහභාගිවන බව වාර්තා වනවා.
වේගපන්දු යවන්නන්ට උචිත පෝට් එළිසබෙත් තණතීරුව සඳහා දකුණු අප්‍රිකානුවන් ප්‍රධාන වේගපන්දු යවන්නන් 05 දෙනෙකු වන කාගිසෝ රබාඩා, වේන් පාර්නෙල්, ලුන්ගි න්ගිඩි, ක්‍රිස් මොරිස් හා අන්ඩිලේ ෆෙලුක්වායෝ කැඳවා තිබෙනවා.
ආබාධයෙන් අනතුරුව දකුණු අප්‍රිකා නායකත්වය භාරගනිමින් ඒ.බී. ඩිවිලියර්ස්ද කණ්ඩායමට එක්ව සිටිනවා.
ශ්‍රී ලංකා සංචිතය- උපුල් තරංග (නායක), දිනේෂ් චන්දිමාල්, ධනංජය ද සිල්වා, චතුරංග ද සිල්වා, තික්‍ෂිල ද සිල්වා, නිරෝෂන් දික්වැල්ල, අසේල ගුණරත්න, නුවන් කුලසේකර, සුරංග ලක්මාල්, ළහිරු මධුසංක, කුසල් මෙන්ඩිස්, සචිත් පතිරණ, සීක්කුගේ ප්‍රසන්න, ලක්ෂාන් සඳකැන්, ඉසුරු උදාන, සඳුන් වීරක්කොඩි
දකුණු අප්‍රිකානු සංචිතය – ඒ.බී.ඩිවිලියර්ස් (නායක), හෂීම් අම්ලා, ෆර්හාන් බෙහාර්ඩීන්, ක්වින්ටන් ඩී කොක්, ජේ.පී.ඩුමිනි, ෆෆ් ඩු ප්ලෙසිස්, ඉම්රාන් තාහීර්, ඩේවිඩ් මිලර්, ක්‍රිස් මොරිස්, ලුන්ගි න්ගිඩි, වේන් පාර්නෙල්, අන්ඩිලේ ෆෙලුක්වායෝ, ඩ්වේන් ප්‍රිටෝරියස්, කාගිසෝ රබාඩා, ටබ්රේස් ෂම්සි
