1.1 ගරු කථානායකතුමනි, අදට හරියටම දින 21 කට පෙර 2015 ජනවාරි 08 වෙනි දින මේ රටේ මහජනතාව විශාල වෙනසක් අපේක්ෂාවෙන් අතිගරු ජනාධිපති මෛත්‍රීපාල සිරිසේන මැතිතුමාට ඡන්දය ලබා දුන්නා. අතිගරු ජනාධිපතිතුමාට පැහැදිලි වරමක් ලබාදෙමින් වෙනසක් සඳහා ඔවුන්ගේ තිබූ දැඩි අපේක්ෂාව ප්රකාශ කළා. මෙය දේශපාලන සහ පෞද්ගලික අභිප්‍රායන්වලට එහා ගිය, මේ රටේ නව දේශපාලන සහ ආර්ථික සංස්කෘතියක් නිර්මාණය කිරීම සඳහා මිනිසා මිනසාට ආදරය කරන, මිනිසා මිනිසාට ගෞරව කරන සාධාරණ වෙනසක්.
1.2 ශ්‍රී ලංකා ප්‍රජාතන්ත්‍රික සමාජවාදී ජන රජයේ 19 වන මුදල් ඇමැතිවරයා වශයෙන් මෙයට පෙර මේ රටේ සිටි ඉතා සුප්‍රසිද්ධ මුදල් අමාත්‍යවරුන්ගේ අඩි පාරේ යමින් මෙම වාර්තාව අද මේ උත්තරීතර සභාවට ඉදිරිපත් කිරීමට ලැබිම මා ලද මහඟු වරප්‍රසාදයක් ලෙස ප්රකාශ කරන්නේ සතුටිනි. මෙම මහජන හිතකාමී ප්‍රකාශය මගින් දී ඇති සහන ශ්‍රී ලාංකික ජනතාව වෙත උපරිම ප්‍රතිලාභ සහ සහන ලබාදුන් අවස්ථාවක් වශයෙන් ඉතිහාසයට එක්වනු ඇතැයි මා විශ්වාස කරනවා.
1.3 අතිගරු ජනාධිපති මෛත්‍රීපාල සිරිසේන මැතිතුමාගේ මානව හිතවාදී නායකත්වයෙන් ගරු අග්‍රාමාත්‍යතුමාගේ පරිණත බුද්ධිය තුළින් “මෛත්‍රීපාල පාලනයක්” සඳහා වන පදනම දමා ඇත. මෙමගින් අක්‍රමිකතාවයන් නැති අලුත් ශ්‍රී ලංකාවක් බිහි වනු ඇත. අද ඉදිරිපත් කරන ප්‍රකාශය ජන හිතකාමී රජයක් මහජනයාට සේවය කිරීම සඳහා ඉඩ ප්‍රස්ථා නිර්මාණය කරන ආකාරය පිළිබඳ ඉතා පැහැදිලි ආදර්ශයක් ලබා දෙනු ඇත. මේ අවස්ථාවේදී මම සියලු ශ්‍රී ලාංකිකයන්ගෙන් ඉල්ලා සිටිනවා. “දින සියයේ විප්ලවය” තුළින් යහපත් හෙටක් නිර්මාණය කිරීම සඳහා අවශ්‍ය වෙනස ඇති කිරීමට අපේ රජය සමග අත්වැල් බැඳගන්නා ලෙස. බලය තාවකාලිකයි. නිලතල ද එලෙසමයි. අපට ඡන්දය ලබා දුන් මහජනතාවගේ භාරකරුවන් වශයෙන් අපගේ යුතු කම වන්නේ ජාතියට ගෞරවාන්විත ලෙස සේවය කිරීමයි. අප ජනතාවගේ සේවකයන් බව අමතක නොකළ යුතුයි. ඔවුන්ට සේවය කිරීමට අප බැඳී සිටිනවා.
1.4 ශ්‍රී ලාංකිකයාට යළිත් සතුටු විය හැකි කාලයක් උදා වී ඇත. මෙම ප්‍රිතිමත්තාවයෙන් නිදහසත්, නිවහල් බවත්, ධෛර්යයත් ජනිත වනු ඇත. පවුල් පාලනයේ සහ ඥාති සංග්‍රහයේ බැඳීම් වලින් නිදහස්ව අප අලුත් වී සිටිමු. ගරු කථානායකතුමනි, පාර්ලිමේන්තුවේ ගරු මන්ත්‍රීවරුනි මගේ ප්‍රකාශය අවසාන කිරීමට ප්‍රථම ඔබගේ සතුට තව තවත් වැඩිවනු ඇතැයි මම සිතමි. අප නිවේදනය කිරීමට අපේක්ෂා කරන ප්‍රතිලාභයන් රැස අපගේ ජනතාවට අත්‍යවශ්‍යයෙන්ම ලැබිය යුතුය. එමෙන්ම අනාගත තිරසාර පැවැත්ම , සතුට සහ යහපත් දිවි පවෛතක් ඔවුන්ට ලැබිය යුතුයි. ඇතිවුණු වෙනසෙහි පී්‍රතිය සැම භුක්ති විඳිමින් සිටියි. මෙම වෙනස සිදු වූයේ යහපත් අනාගතයක් වෙනුවෙනි. එම වෙනස අගය කළ යුතු වෙනසක්. එනම් මෛත්‍රී පාලනයක් වෙනුවෙන් මෙම වෙනස සිදුවී ඇත.
1.5 ශ්‍රී ලංකාවේ පසුගිය වසර ගණනාවක් පුරා දේශපාලන පුරසාරම් අප බහුල වශයෙන් අසා ඇති නමුත් ආර්ථීකමය පුරසාරම් බහුල වශයෙන් දකින්නට තිබුණේ නැත. කෙසේ වෙතත් පසුගිය අවුරුදු කිහිපයේ පැවැති පාලනය නැත්නම් මම කැමතියි එය නිවැරදි කරන්න. අවපාලන කාලය තුළ දී මෙවැනි ආර්ථික පුරසාරම් අපට ඕනවටත් වඩා අසන්නට ලැබුණා. මෙම ආර්ථික පුරසාරම් තුළින් ඇතැම් අය උද්දාමට පත් වුණත් මෙහි තිබෙන තිත්ත ඇත්ත ධාරණය කිරීම පහසු නැහැ. අඩපණව තිබූ ආර්ථිකය යළි නගා සිටුවීමත් පුනර්ජීවනය කිරීමත් මේ රජයේ මූලික අරමුණක් වෙනවා.
ගරු කථානායකතුමනි, මෙම ප්‍රකාශය ඉදිරියේ දී මෙම ජාතික ආණ්ඩුව මගින් ඉදිරිපත් කිරීමට අපේක්ෂිත සියලු අයවැය ඉදිරිපත් කිරීම් වලට අවශ්‍ය පෙර ගමනක් වශයෙන් මා සලකනවා. ඒවා කරුණු සහ දත්ත මත මිස බොරු පුරසාරම් මත ඉදිරිපත් නොකිරීමට අපි වග බලා ගන්නවා.
1.6 ගොබෙල්ස් න්‍යාය මගින් ජනිත පුරසාරම් බස් මගින් ශ්‍රී ලංකාව ආසියාවේ ආශ්චර්ය බවට පත්වන බව ජනතාවට දන්වා ඇතත් අපි බොහෝ දෙනෙක් කල්පනා කරන්නේ මෙවැනි පුරසාරම් වචනවලට පදනම් වූ යථාර්ථවාදී කරුණු මොනවාද කියලා.
1.7 බ්‍රිතාන්‍යයන්ගෙන් අපි නිදහස ලබා ගත් දින වන පෙබරවාරි 04 වන දින අපේ ජාතික දිනයට තවත් දින 6 ක පමණ කාලයක් පමණයි තිබෙන්නේ. 2015 ජනවාරි 08 වන දිනද ජාතියේ “යළි දිනාගත් නිදහස් දිනය” ලෙස සැමරිය යුතුයි. පවුල් පාලනයෙන් නිදහස දූෂිත පාලනයෙන් නිදහස, දූෂිත ගජමිතුරු කල්ලියෙන් ලැබූ නිදහස, අවපාලනයෙන් නිදහස අධිකරණයේ ස්වාධීනත්වය නැවත ලබා ගැනීම , එකිනෙකාගේ පෞද්ගලික අවශ්‍යතා පරිදි නීතිය යොදා ගැනීම මගින් නීතියේ ආධිපත්‍යය අපයෝජනය වීම නිසා ඇති වී ඇති වැරදි පාලනය ක්‍රමය මගින් පොලීසිය සහ රාජ්‍ය සේවය නිදහස් කර ගැනීම අප ලබා ගත් නිදහසට ඇතුළත් වී තිබෙනවා. අපි යළි දිනාගත් නිදහස ආරක්ෂා කර ගැනීම සහ වර්ධනය කර ගැනීම අපගේ පරම යුතුකමයි.
දින සියයේ විප්ලවකාරී වැඩසටහන අලුත් යුගයක් ඇති කිරීම සඳහා අවශ්‍ය පදනම පමණක් නොව “නිදහස සහ නිවහල් බව“ සඳහා නව අරුතක්ද සපයනු ඇත.
ස්වාධීන කොමිෂන් සභා, තොරතුරු දැනගැනීමට තිබෙන අයිතිය සහ ආණ්ඩුක්‍රම ව්‍යවස්ථා සංශෝධන වැනි දින සියයේ වැඩ සඩසටහන යටතේ පැහැදිලිවම කිරීමට සැලසුම් කොට ඇති ක්‍රියා මාර්ග ජාතිය යළි ලබාගත් නිදහසේ ඵල භුක්ති විඳීමට පැහැදිලි පදනමක් වනු ඇත.
1.8 පවුල් පාලනය ශ්‍රී ලංකාවේ ආර්ථිකය විනාශ කළා පමණක් නොව දැහැමි ජාතියක් වශයෙන් ශ්‍රී ලංකාවේ පුරවැසියන් එකට බැඳී තිබූ සමාජ බැමි ද කඩා දැම්මා. කුඩු සිටුවරු කැසිනෝකාරයෝ සහ එතනෝල් රජවරු අපේ දරුවන්ගේ අනාගතය අඳුරු කර දැම්මා. ජනතාවගේ හඬ නිහඬ කර දැම්මා. නිර්භීතව මේ පිළිබඳව අදහස් ප්රකාශ කිරීමට ඉදිරිපත් වූ ඇතැම් අය “ආර්ථික ඝාතකයා” වැනි නව යෙදුම් ශබ්ද ඝෝෂයට එකතු කළා. තිබෙන තොරතුරු සහ සාක්ෂි අනුව අපට පැහැදිලිව කියන්න පුළුවන්. එවැනි බොහෝ ආර්ථික ඝාතකයින් මේ ශේ්‍රෂ්ඨ ජාතිය සතු පශු සම්පත් තෝරාගත් සුළු පිරිසකට පමණක් සූරා කෑමට හා බහුතරයකට දුක් විඳීමට ඉඩ සලස්වා තිබෙනවා.
1.9 ජනාධිපතිවරණයට පසුව මෛත්‍රීපාල - රනිල් සමගි රජයක් පාර්ලිමේන්තුව නියෝජනය කරන පක්ෂවලින් බහුතරයට අයත් ගරු මන්ත්‍රීවරුන්ගේ සහභාගිත්වයෙන් ස්ථාපිත කළා. මෙය මේ රටේ නිදහසින් පසු ඉතිහාසයේ සුවිශේෂී අවස්ථාවක් නිර්මාණය කළා.
අද මම කියන්න ආඩම්බරයි. මෙම මූලාරම්භයන් තුළින් ජාතියට විකල්ප මාවතක් පෙන්වීමට අපට හැකිවෙලා තිබෙනවා. මෙම මාවත දිගේ අප සමෛන් ශක්තිමත්ව ගමන් කරනවා. මෙය කරුණා සහගත මෛත්‍රී පාලනයට මාවතක්, ස්ථාවර රටකට මාවතක්, සෞභාග්‍යයට මාවතක්, විශේෂයෙන්ම මෙය නිදහසට මනුෂ්‍යත්වයට සහ අභිමානයට මාවතක්.
1.10 අතිගරු ජනාධිපතිතුමනි, ගරු අග්‍රාමත්‍යතුමා සහ රජය වෙනුවෙන් මම මුදල් අමාත්‍යවරයා වශයෙන් විවිධ තර්ජන ගර්ජන මධ්‍යයේ නිර්භීතව එක හඩින් තමාගේ ඡන්දය මේ ශේ්‍රෂ්ඨ උත්සාහය වෙනුවෙන් ලබා දුන් ඔබ සියලු දෙනාටම පූජ්‍ය පක්ෂයට, රාජ්‍ය සේවකයන්ට විශ්‍රාමිකයන්ට , ගොවි ජනතාවට, ගුරුවරුන්ට සෞඛ්‍ය ක්ෂේත්රයේ සේවකයන්ට , ධීවර ජනතාවට , ශිෂ්‍යයන් ඇතුළු තරුණ ඡන්ද දායකයන්ට , කම්කරු ජනතාවට , ව්‍යාපාරික ප්‍රජාවට , වතු සේවකයන්ට , ත්‍රීවීලර් රියැදුරන්ට , ප්‍රවාහන ක්ෂේත්රයේ සේවකයන්ට ස්වයං රැකියාවල නියැලී සිටින ජනතාවට , ත්‍රිවිධ හමුදාවල සාමාජිකයන්ට , පොලීසියේ සහ සිවිල් ආරක්ෂක සේවාවල සාමාජිකයන්ට , සාමාන්‍ය ජනතාවට ශ්‍රී ලංකාවේ සෑම ජාතියකටම සහ ආගම්වලට අයත් මහජනතාවට මගේ ස්තූතිය සහ ආචාරය පිරිනමනවා.
1.11 පසුගිය රජය විසින් විශාල වශයෙන් රාජ්‍ය සම්පත් භාවිතා කරමින් සහ විවිධ ද්‍රව්‍ය නොමි‍ලේ ලබා දීම වැනි ඡන්ද දායකයන් පොළඹවන ආකාරයේ සාමාන්‍යයෙන් අදහා ගත නොහැකි තරමටම සිදු කළ බලපෑම් වල ප්‍රමාණය සැලකීමේ දී ඇත්ත වශයෙන්ම ඔබගේ දායකත්වය අපගේ ආචාරයට ලක්විය යුතුයි. ජනාධිපතිවරණ ඡන්ද ව්‍යාපාරයේ දී අපි මේ රටේ ජනතාවට විශාල කැපවීමක් පොරොන්දුවක් දුන්නා. අපි බලයට පත්වීමෙන් පසුදින සියයේ විප්ලවකාරී වැඩසටහන් මගින් මේ රටේ සහ මහජනතාවගේ දැවෙන ප්රශ්න සඳහා කඩිනම් විසඳුම් ලබා දෙන බවට පොරොන්දු වුණා.
1.12 අපි විශ්වාස කරන ආකාරයට මේ රටේ දැවෙන ප්‍රශ්නයක් වන වේගයෙන් ඉහළ යන ජීවන වියදම අඩු කරමින් ජනතාවට සහන ලබා දීමට විශේෂ ක්‍රියාමාර්ග ගන්නා බවට අපි පොරොන්දු වුණා.
වැඩිවන ජීවන බර හේතුවෙන් මේ රටේ බහුතර ජනතාවගේ මූලික අවශ්‍යතාවයක් වන ආහාර නියමිත ප්‍රමිතියට අනුව ලබා ගැනීමට නොහැකි වී තිබෙනවා. මෙම ගැටලුවට විසඳුමක් අවශ්‍ය වෙනවා. සියයට 6.7 ක් පමණ වූ දරිද්‍රතාවය සහ සියයට 21.6 ක් පමණ වූ මන්ද‍පෝෂණයෙන් පෙළෙන දරුවන් ප්‍රගතිශීලී සංඛ්‍යා ලේඛන නොවෙයි. ප්‍රජාතන්ත්‍රික ඡන්දය මගින් අපේක්ෂිත වෙනස තුළින් මේ දක්වා අපි අසා නැති මට්ටමක සහන ලබා දෙමින් එම සහන ඉදිරියේදී තව තවත් වැඩි කරමින් දැවෙන ප්රශ්න සඳහා විසඳුම් ලබාදීමට අපි කටයුතු කරනවා.
1.13පසුගිය කාලයේදී විශාල වශයෙන් ඇතිවූ දූෂණ චෝදනා පිළිබඳ පරීක්ෂා කිරීම සඳහා විශේෂ කොමිෂන්
සභා පත්කිරීම, ස්වාධීන කොමිෂන් සභා ස්ථාපිත කිරීම සහ ඒ සඳහා අවශ්‍ය පත්වීම් කිරීම, ජාතික විගණන පනත සහ තොරතුරු දැන ගැනීමේ අයිතිය පිළිබඳ පනත් හඳුන්වා දීම, ජාතික ඖෂධ ප්‍රතිපත්තිය හඳුන්වා දීම, විධායක ජනාධිපති ක්‍රමය වෙනුවට පාර්ලිමේන්තු ක්‍රමය ඇති කිරීම යන කරුණු මෙම වැඩසටහන් යටතේ අපි ජනතාවට දුන් පොරොන්දු අතර ප්රධාන කරුණු වේ.
පසුගිය අවපාලන කාලය තුළ දූෂිත ක්‍රියාකාරකම්වල ප්‍රමාණය ඉහළටම ගොස් ඇත. පිළිගත් ක්‍රමවේදයන් අනුගමනය කරමින් මෙම නාස්තිකාර දූෂිතයන් අධිකරණයට ගෙන ගොස් ඔවුන්ගේ දූෂිත ක්‍රියා සඳහා නිසි දඬුවම් දෙන තෙක් අප සමග ඉවසීමෙන් සිටින මෙන් රටේ ජනතාවගෙන් ඉල්ලා සිටිනවා.
1.14මේ වන විට අප මෙම යෝජනා ක්‍රියාත්මක කරමින් සිටිනවා. පසුගිය දින 21ක කාලය තුළ අප ඉටු කර ඇති කාර්යයන් දෙස බැලීමෙන් ඔබට අපේ කාර්යසාධනය සහ කැපවීම පිළිබඳ තීරණයක් ගන්න පුළුවන්. දින සියයේ විප්ලවකාරී වැඩසටහනෙහි අරමුණු ළඟා කරගැනීමේ පැහැදිලි දර්ශනයක් ඔස්සේ අපි කටයුතු කරගෙන යන බව අවධාරණය කරනවා. අද ඉදිරිපත් කරන දින සියයේ විප්ලවය පිළිබඳ ප්‍රකාශය මෙම උත්සාහයේ තවත් වැදගත් ඉදිරි පියවරක්.
1.15අපේ රජය මහජනයා අරමුණු කරගත් රජයක්. ප්‍රමුඛතා පදනම මත මහජනයාට සහන ලබාදීමට අපේ රජය කටයුතු කරනවා. මෙම දින සියයේ විප්ලවය පිළිබඳ ප්‍රකාශය ඉදිරිපත් කිරීමට පෙර ඉන්ධන මිල අඩු කිරීම ජනතාවට ලබා දුන් සහනය මේ සඳහා හොඳ උදාහරණයක්. පසුගිය ඕනෑම කාලයකදී මතෛක් ලබාදී ඇති ඉහළම ඉන්ධන මිල අඩු කිරීම ජාතියට ලබා දීමට අපට හැකි වුණා. මට තේරෙන්නේ නැහැ ඇයි පසුගිය රජයට මෙවැනි ඉන්ධන මිල සංශෝධන කිරීම් තුළින් මහජනතාවට ප්‍රතිලාභ ලබාදීමට නොහැකි වුණේ කියලා.
1.16මහජනතාවට සහන ලබාදීමට යෝජිත පියවරයන් සහ ආදායම් සහ වියදම් යෝජනා ඉදිරිපත් කිරීමට පෙර මේ රටේ පුපුරා යාමට ආසන්න මට්ටමේ තිබෙන ආර්ථික බුබුල පිළිබඳවත්, පාර්ලිමේන්තුව විසින් වර්ෂ 2015 සඳහා අනුමත කළ අය වැය පිළිබඳවත් මේ රටේ ආර්ථිකයේ ප්‍රගතිය පිළිබඳවත්
අනිකුත් අදාළ ක්ෂේත්‍ර පිළිබඳවත්
කරුණු කිහිපයක් පැහැදිලි කිරීමට මම කැමැතියි.
02 පුපුරා යාමට නියමිත බුබුල
2.1ශ්‍රී ලංකාව අවිධිමත් ආර්ථික කාලපරිච්ජේදයක් ගත කර ඇත. දින කිහිපයකට පෙර දක්වා සංඛ්‍යා ලේඛන පෙන්වා දුන්නේ සම්පූර්ණයෙන් වෙනස් චිත්‍රයක්. අඛණ්ඩව පැවැති දේශපාලන පුරසාරම් මගින් ආර්ථිකය පිළිබඳ බොරු රෝසි චිත්‍රයක් මවා ඇත. මේ ආර්ථික ප්‍රවීණයන් යැයි හඳුන්වා ගන්නා පිරිස තමාගේ ආයුධ වශයෙන් යොදා ගත්තේ වෙනස් කරන ලද ප්‍රස්ථාර හා වගුයි.
2.2බොහෝවිට කතා කළේ ආසියාවේ ආශ්චර්ය සහ ආර්ථික කේන්ද්‍ර පිළිබඳ වරින්වර වෙනස් වන තොරතුරුය. සාමාන්‍ය ජනතාව මෙම බොරු උගුලට සහ රැවටීමට හසුවී නැත. ඒ වෙනුවට ඔවුන් දුටුවේ ජාතිය විනාශය කරා ගෙන යන කේන්ද්‍රයන්ය. කුඩු කේන්ද්‍ර, එතනෝල් කේන්ද්‍ර සහ කැසිනෝ කේන්ද්‍ර දිනෙන් දින වර්ධනය විය. අපේ තරුණ පරම්පරාව, අපේ ආදරණීය රටේ අනාගතය සහ බොහොමයක් අහිංසක ළමයින් කුඩු සිටුවරු එතනෝල් රජවරුන්ගෙන් හා කැසිනෝකාරයන්ගේ කපටි උපක්‍රමවල ගොදුරු බවට පත්විය.
2.3කොටස් හුවමාරුව, කොටස් වෙළෙඳපළ පිළිබඳ දැනුමක් ඇති විශේෂඥයන්ගේ හාස්‍යයට ලක්ව ඇත. ‘භථනඪදඨ චදඤ ච්භථනඪදඨ’ දවසේ නීතිය වී ඇති අතර කුඩා කොටස් වෙළෙඳපළ ව්‍යාපාරිකයන්ට එම සංගීතයට මුහුණ දීමට සිදුවේ. පොලී අනුපාතය පහත වැටුණු කල ඉහළ ලොක්කෝ වැඩිහිටි ජනතාවට කොටස් වෙළෙඳපළ ආයෝජනය කරන ලෙස ඉල්ලා ඇත. ඔවුන්ට මුහුණපාන්නට සිදුවන ප්රතිඵලය ගැන හොඳින්ම දැන සිටියත් මේ පිළිබඳව අදාළ මිනිසුන්ගේ හදවත් උණු වූයේ නැත. මෙයින් ඉතාමත් දුප්පත්ම විශ්‍රාමිකයන් පවා අමාරුවේ වැටුණා. කොටස් වෙළෙඳපළ සිටුවරුන් වූ සුපිරි ධනවතුන් දුප්පතාගේ කර මතින් තර විය.
2.4 මේ සන්දර්ශනය දිගටම පැවතුණා. විකටයන් සිය කොටස මැනවින් රඟපෑවා. කරණම්කරුවෝ ඉහළ පහළ කරණම් ගැසුවා. කලාකරුවෝ පිරිසක් සත්‍යයට වෙස්මුහුණු බැන්දා. සත්‍ය රසවත් බොරුවෙන් වසා දැම්මා. ‘බොරු, අමූලික බොරු සහ සංඛ්‍යා ලේඛන’ යන කියමන මෙම චිත්‍රයට මනාව ගැළපුනා. දළ දේශීය නිෂ්පාදන හා රාජ්‍ය ණය මොවුන්ගේ වාග් මාලාව තුළ වාසිදායක ලෙස යොදා ගත්තා.
2.5අතිශය සුඛෝපභෝගී ජීවන රටාවක් පවත්වාගෙන යන සුපිරි ධනවතුන් පිරිසක් මෙම ගජමිතුරු ආර්ථිකය විසින් නිර්මාණය කර ඇත. මෙම පිරිස දූෂිත ලෙස උපයා ගත් ධනය හා ශක්තිය මෙන්ම එහි බලයද ප්‍රදර්ශනය කරනු ලැබුවා. ජනගහනයෙන් සියයට 2ක් වන සුළුතරයක් විසින් අනෙක් අයගේ පිහිටෙන් සමෘද්ධිමත් වුණා. ඉතිරි සියයට 98 කුමක්ද වුණේ? 2005 සිට මොවුන්ට කීවේ පටිතද කරගන්නා ලෙසයි. එය එලෙසම ක්‍රියාත්මක වුණා. ආර්ථික දුෂ්කරතා නිසා ඔවුන්ගේ පවුල් කඩාකප්පල් වුණා. රන් භාණ්ඩ උකස් තැබුවා. ඔවුන්ගේ වත්කම් එදිනෙදා දිවිපවෛත පවත්වාගෙන යාම සඳහා විකුණා දැම්මා. සමහරු අතිශය දිළින්දන් වුණා. දරාගත නොහැකි දිළිඳු භාවයේ එරී සිටි අපේ මව්වරු, පියවරු, සහෝදරවරු ගඟට පැන දිවිනසා ගැනීමෙන් බේරාගැනීම සඳහා මාතර මහනාම පාලම හා කළුතර පාලම මත නාවික හමුදා ආරක්ෂකයන් රැඳවීමට සිදුවුණා.
2.6 ආරථික විද්‍යා වචන, දේශපාලන හා ආර්ථික පුරසාරම් පෙරටත් වඩා උස්හ¾ඩින් ඇසෙන්නට වුණා. ෙදෙවඥයෝ ඔවුන්ගේ සුඛවිහරණයට ගැළපෙන සේ කැමැති පරිදි ග්‍රහචාරය පවා වෙනස් කළා. මේවායේ අරමුණ වූයේ සියයට 2ක් පමණ වූ සුළුතරය දිගින් දිගටම පෝෂණය කිරීමයි. 2015 ජනවාරි 8 වන දින සුවිශේෂී දිනයක් විය. නිදහසේ සුවඳ ජාතිය සිසාරා හමන්නට විය.
2.7නිලධාරීන් හා ආර්ථික විශේෂඥයන් විසින් සංඛ්‍යා ලේඛන විමසුම් කළා. දැන් මායාවේ ආර්ථිකය හා බොරු මතුවී තිබෙනවා. නරක ආරංචිය වන්නේ ආර්ථිකය යහපත් නොවන බවයි. සුබආරංචිය වන්නේ ආර්ථිකය යළි පණගැන්විය හැකි බවත් දැන් එය ආරක්ෂිත හස්තයක් තුළට පත්ව ඇති බවත්ය. ආර්ථිකයේ නියම තත්ත්වය හෙළිදරව් කරගැනීමට අපට හැකි වුණා. එසේම දේශපාලනඥයන් කොටස් වෙළෙඳපළේ දැවැන්තයන් නොඑසේ නම් මත්ද්‍රව්‍ය ජාවාරම්කරුවන් ඇතුළු සියලු දෙනා විසින් උපයා ගන්නා ලද දූෂිත ධනය පිළිබඳ විමර්ශනය කර ඒවා යළි ලබා ගැනීමට කටයුතු කරනවා. මොවුන්ගේ නීතියෙන් ගැලවී සිටීමේ මුක්තිය දැන් අවසන්වී තිබෙනවා. වැරදිකරුවන්ට සහ දූෂිත පිරිස්වලට එරෙහිව නීතිය ක්‍රියාත්මක වනු ඇත.
2.8අවසාන වශයෙන් මෙම බුබුල පුපුරා යා යුතුය. අපගේ රජය දැන් මෙම තත්ත්වය පිළිබඳව මනා අවධානයකින් සිටියි. ස්ථිරසාර බවකින් යුක්තව ආර්ථිකය ඉදිරියට ගමන් කරනු ඇත. ආර්ථිකයේ නිවැරදි තත්ත්වය නිරතුරුවම ඉදිරිපත් කරන බව අප ජාතියට පොරොන්දු වෙමු.
2.9ගරු කථානායකතුමනි, පාර්ලිමේන්තු මන්ත්‍රීවරුනි, මෛත්‍රී පාලනයේ යහපත් බව තුළින් යුක්තිය සහ සාධාරණත්වය පිළිබඳ අලුත් ප්‍රතිමාණයක් ජාතියට එකතු කරනු ඇත. මේ පිළිබඳව
උදාහරණ දෙකක් දීමට කැමැත්තෙමි. 2009 පැවැති මැතිවරණ ප්රතිඵල නිකුත් කිරීමෙන් අනතුරුව ජයග්රාහකයා ජයපැන් බිවු අතර පරාජිතයා සිරගත කරන ලදී. මෙවර සිරගත වීමේ දුක්ඛිත වාතාවරණයෙන් මිදීමේ සහනය ජයග්‍රාහකයාට හිමිවූ අතර ජනතාවගේ මුදලින් ස්වකීය ගම් පළාත වන මැදමුලනයට යාමට නොමි‍ලේ හෙලිකොප්ටර් යානා ලබා ගැනීමට පරාජිතයාට හැකිවිය.
2.10ගරු මෛත්‍රීපාල සිරිසේන මැතිතුමාට 2015 ජනවාරි 09 වන දින නිදහස් චතුරශ්‍රයේදී ජනාධිපති දිවුරුම් ප්‍රතිඥාව ලබාදීමට වැය වූයේ රුපියල් 60,000ක් වැනි සුළු මුදලකි. එසේ වුවද 2009 දිවුරුම් දීමේ උත්සවය සඳහා පැවැති රජය රුපියල් මිලියන ගණනක් වැය කර ඇත.
03. මෙම ප්‍රකාශයේ අරමුණ
3.1අද ඉදිරිපත් කරන මේ ප්‍රකාශය අපේ රටේ රාජ්‍ය මූල්‍ය ක්ෂේත්රයේ අලුත් ලක්ෂණයක් විය හැකිය. පාර්ලිමේන්තු මැතිවරණයක් ප්රකාශයට පත් කළ යුතු අවස්ථාවක නව රජයට සම්පූර්ණ වර්ෂය සඳහා තමාගේ නව ප්‍රතිපත්ති ඇතුළත් කොට අය වැයක් ඉදිරිපත් කිරීමට අවස්ථාවක් ලබාදීම සඳහා අතුරු සම්මත ගිණුම් මීට පෙර බොහෝ අවස්ථාවල මෙම පාර්ලිමේන්තුවට ඉදිරිපත් කොට ඇති බව අප අසා ඇත.
3.2කෙසේ වෙතත් අපි රජයේ රේඛීය අමාත්‍යංශ ව්‍යුහයට විශාල වෙනස්කම් කර ඇති බැවින් අද ඉදිරිපත් කරන ප්‍රකාශය අත්‍යවශ්‍යයි. ඔබ දන්නා පරිදි අපි අමාත්‍යවරු ගණන 71 සිට 31 දක්වා අඩු කළා. මෙය පසුගිය රජයේ පැවැති ක්‍රමවේදයේ විශාල වෙනස් වීමක්.
අමාත්‍ය මණ්ඩලය ස්ථාපිත කිරීමේ දී අඩුම පිරිවැයකින් වැඩිම ප්‍රතිලාභ ලබාගත හැකි වන පරිදි අපි රේඛීය අමාත්‍යාංශ ව්‍යුහගත කර තිබෙනවා. අලුතින් ඇති කළ අමාත්‍යාංශ සඳහා අවශ්‍ය ප්‍රතිපාදන ලබා ගැනීමට හැකි වන පරිදි සම්පත් නැවත වෙන් කළ යුතුයි. මෙම නව ව්‍යුහය ස්ථාපිත කිරීම සඳහා පාර්ලිමේන්තුවේ අනුමැතිය ඉදිරියේ දී ඉල්ලා සිටිනවා.
මීට අමතවර, විශේෂයෙන් ජනතාවට සහන ලබා දීම සඳහා අලුත් ආදායම් සහ වියදම් යෝජනා කිහිපයක් ද මගේ ප්‍රකාශයේ ඉතිරි කොටසේ දී ඉදිරිපත් කිරීමට බලාපොරොත්තු වෙනවා.
3.3 2014 ඔක්තෝබර් 24 වන දින ඉදිරිපත් කොට 2014 නොවැම්බර් මස පාර්ලිමේන්තුව විසින් අනුමත කරන ලද 2015 අය වැය තුළ මෙම වෙනස්කම් සහ යෝජනා ඇතුළත් කළ යුතු අතර අවශ්‍ය නීති සංශෝධනයන් සඳහා පාර්ලිමේන්තුවේ අනුමැතිය ලබා ගැනීමට ඉදිරියේ දී කටයුතු කරනු ලැබේ.
04. අය වැය 2015
4.1 මීට පෙර ඉදිරිපත් කරන ලද 2015 අයවැය මගින් රජයේ සමස්ත ආදායම වශයෙන් රුපියල් බිලියන 1,594 ක් අපේක්ෂා කර ඇත. මෙයින් රුපියල් බිලියන 1,400 ක් බදු ආදායම වශයෙන් ද රුපියල් බිලියන 194 ක් බදු නොවන ආදායම වශයෙන් ලැබේ යැයි ඇස්තමේන්තු කර ඇත. මුළු වියදම් සහ ශුද්ධ ණය දීම් රුපියල් බිලියන 2,990 ක් වන අතර එයින් රුපියල් බිලියන 1,465 ක් පුනරාවර්තන වියදම් වේ. රුපියල් බිලියන 685 ක් ප්‍රාග්ධන වියදම් සහ දළ ණය දීම් වශයෙන් ඇස්තමේන්තු කර ඇත. ඇස්තමේන්තු කොට ඇති පරිදි 2015 අයවැය හිඟය රුපියල් බිලියන 521 ක් වන අතර එය දළ දේශීය නිශ්පාදිතයේ ප්‍රතිශතයක් වශයෙන් සියයට 4.6 ක් පමණ වේ.
4.2 මේ අවස්ථාවේ මම ප්රකාශ කළ යුතුයි මෙම හිඟය අදාළ වන්නේ රජයේ ආදායම් සහ වියදම්වලට පමණක් බව. කෙසේ වෙතත්, අපි නැවත නැවතත් මෙම පාර්ලිමේන්තුවට පෙන්වා දී ඇති පරිදි සහ පසුගිය වසර ගණනාවක් තිස්සේ පාර්ලිමේන්තුවෙන් පිටතදී පවා සාකච්ඡා කොට ඇති පරිදි මෙම හිඟය අද රටේ රාජ්‍ය මූල්‍ය සඳහා ඇති සත්‍ය වගකීම නිරූපණය නොකරයි. මෙම හිඟය තුළ රජයේ බොහෝ අයවැය ක්‍රියාකාරකම් ඇතුළත් කොට නැත.
4.3 මෙම සත්‍යය වසන් කරන මුලාව ඉවත් කළ යුතු අතර සත්‍ය තත්ත්වය ගරු පාර්ලිමේන්තු මන්ත්‍රීවරුන්ට සහ සාමාන්‍ය මහජනතාවට දැන්විය යුතුය. ගරු පාර්ලිමේන්තු මන්ත්‍රීවරුන් හෝ මහජනයා නොමග යවන්න අපි අදහස් කරන්නේ නැහැ. අපේ උත්සාහය යහපාලනය ඇති කිරීමයි.
4.4 රාජ්‍ය ණය පිළිබඳ තොරතුරු ප්‍රමාණවත් ලෙස ඉදිරිපත් කර ඇති අවස්ථා පිළිබඳ වැදගත් කරුණු කිහිපයක් පහතින් දක්වා තිබෙනවා.
අ. මෙම අයවැය හිඟය කිසිම ආකාරයකින් පසුගිය අවුරුදු කිහිපය තුළ රටේ අසම්භාව්‍ය වගකීම් නරූපණය කරන්නේ නැහැ. 2014 වර්ෂය අවසානය වන විට රජයට අයත් ව්‍යාපර මගින් යටිතල පහසුකම් සංවර්ධන ව්‍යාපෘති ක්‍රියාත්මක කිරීම සඳහා වාණිජ බැංකු මගින් ණය ලබා ගැනීමට රුපියල් බිලියන 524 ක පමණ භාණ්ඩාගාර ඇපකර රජය විසින් ලබා දී ඇත. (ඇමුණුම් 1) අදාළ රජය සතු ව්‍යාපාරවලට මෙම ණය ගෙවීමට නොහැකි වුවහොත් රජයට එම ණය මුදල් ගෙවීමට සිදු වේ.
ආ. මෙම සංඛ්‍යාවලට 2014 අවසානය වන විට රාජ්‍ය ව්‍යාපාරවලින් බැංකු පද්ධතියට ගෙවිය යුතු රුපියල් බිලියන 593 ක් පමණ වූ හිඟ මුදල ද ඇතුළත් විය යුතුය. එමෙන්ම ඛණිජ තෙල් නීතිගත සංස්ථාවේ හෙජින් ගනුදෙනුව වෙනුවෙන් දැනටමත් වො ඇති ඇ.ඩොලර් මිලියන 60 ක් එනම් රුපියල් බිලියන 7.8 ක් පමණ වූ මුදල ද මෙයට ඇතුළත් වී තිබෙනවා. හෙජින් ගනුදෙනුව නිසා රජයට සිදුව ඇති මුළු පාඩුව ඇ. ඩොලර් මිලියන 20 ක් (රු. බිලියන 15.7) පමණ වන බව ඇස්තමේන්තු කර තිබෙනවා. මෙම ගනුදෙනුව, ශ්‍රී ලංකා වාණිජ මෙහෙයුම් ඉතිහාසයේ මහජනයාට ඉතාමත්ම අයහපත් ලෙස බලපා ඇති අඥානතම ගනුදෙනුවක් වශයෙන් සඳහන් කරන්න පුළුවන්.
ඇ. ඒ වගේම, යටිතල පහසුකම් ව්‍යාපෘති සඳහා රාජ්‍ය ව්‍යාපාර විසින් ලබාගෙන ඇති විදේශ ණය ද රජයේ අයවැය හිඟය තුළ නිරූපණය නොවේ. 2004 වර්ෂය අවසාන වන විට ගෙවීමට ඉතිරිව ඇති ණය ඇ. ඩොලර් මිලියන 2,356 ක් එනම් රු. බිලියන 303 ක් පමණ වෙනවා. මෙම ණය මුදල් පුත්තලම ගල් අඟුරු බලාගාර ව්‍යාපෘතිය, හම්බන්තොට වරාය සංවර්ධන ව්‍යාපෘතිය සහ මත්තල ජාත්‍යන්තර ගුවන්තොටුපළ ව්‍යාපෘතිය සඳහා ලබාගෙන ඇත. (ඇමුණුම් 11)
4.5. අපි භාණ්ඩාගාර ඇපකර වටිනාකම, රජ්‍ය ව්‍යාපාර මගින් බැංකු පද්ධතියෙන් ලබාගෙන ඇති ණය සහ රජ්‍ය ව්‍යාපාර මගින් ව්‍යාපෘති ක්‍රියාත්මක කිරීම සඳහා ලබාගෙන ඇති විදේශ ණය එකතු කොට ගණන් බැලුවහොත් අවයැව හිඟය දැනට ප්‍රසිද්ධ කර ඇති සංඛ්‍යාවට වඩා විශාල අගයක් ගන්නවා.
4.6 දැන් ඔබට පසුගිය පාලන කාලයෙන් අපට දායාද වශයෙන් ලැබි ඇති හිඟයේ ප්‍රමාණය පෙනෙනවා ඇති. පසුගිය රජයෙන් අපට ලැබි ඇති අයහපත් දායාදය මෙයයි. හෙට අපේ ගමන මෙවැනි තත්ත්වයක සිට ආරම්භ කිරීමට සිදු වී තිබෙනවා.
4.7 මේ ක්‍රමයට තවත් අවුරුදු කිහිපයක් කටයුතු කරගෙන ගියේ නම් අපේ රට ආර්ථිකමය වශයෙන් අසාර්ථක ජාතියක් වශයෙන් නම් කිරීමට හැකිව තිබුණා. නැවත වරක් මම මේ “වෙනස” සිදු කළ හැම දෙනාටම මගේ ස්තූතිය පිරිනමන්න කැමතියි. එසේ නොවුණානම් අපේ ශ්‍රේෂ්ඨ ජාතියටත් සමස්ත ආර්ථිකයම දූෂිත පාලකයන්ගේ සූරා කෑමට ලක් වී කොටස්වලට කැඩී ගිය “බනානා රිපබ්ලික්”වලට අත් වූ ඉරණම ඇති වීමට ඉඩ තිබුණා.
4.8 දැනට ලැබි ඇති දත්ත අනුව 2014 වර්ෂය අවසානය වන විට රජයේ ණය රුපියල් බිලියන 7373 ක් පමණ වෙනවා. මේ අනුව ඒක පුද්ගල ණය ප්‍රමාණය රුපියල් 357,233 ක් පමණ වෙනවා.
කෙසේ වෙතත්. මම ඉහත සඳහන් කළ අයිතම තුන ද ඇතුළත් කළහොත් සමස්ත ණය ප්‍රමාණය රුපියල් බිලියන 8,817 ක් පමණ වෙනවා. ඒ අනුව, ඒකපුද්ගල ණය ප්‍රමාණය ද රුපියල් 427,220 ක් දක්වා ඉහළ යනවා. නැවතත් ඔබට පේනවා ඇති පසුගිය රජය මෙරටේ මහජනතාව මත පටවා ඇති ණය බරෙහි ප්‍රමාණය.
4.9 මම අවධාරණය කළ යුතුයි මේ සම්පූර්ණ ණය මුදල් මේ රටේ අහිංසක මහජනතාව, දැනට සිටින වර්තමාන පරම්පරාව පමණක් නොව අනාගතයේ ඉපදෙන්නට සිටින දරුවන් විසින් ද ගෙවිය යුතු බව අපිට අවුරුදු 2500 කට වැඩි කාලයක් අපේ ඉතිහාසයෙන් ලැබුණු දායාද පිළි
බඳව ආඩම්බර විය හැකි වුවත් පසුගිය රජය විසින් අපට ලබා දී ඇති ණය දායාදය පිළිබඳ අපි කෙසේ ආඩම්බර වෙන්නද. මෙහිදී ඇති වන ප්‍රශ්නය නම් මෙය අවශ්‍ය ද නුවණක්කාර ද යන්නයි. පසුගිය රජය කාලයේ මූල්‍ය කටයුතු කළමනාකරණය කර ඇති ආකාරය පිළිබඳව එම පාලකයන් ලැජ්ජා විය යුතුය. තෝරාගත් සුළු පිරිසකගේ සුඛ විහරණය සඳහා ලබා ගත් ණය පරම්පරා ගණනාවකට ගෙවීමට සිදු වෙලා තිබෙනවා.
සමස්ත ණය සහ ඒක පුද්ගල ණය
අයිතමය201220132014
සමස්ත ණය (රු. බිලියන)රාජ්‍ය ණය
සමස්ත ණය, භාණ්ඩාගාර ඇපකර, රාජ්‍ය ව්‍යාපාර විසින්6,8538,0998.817
බැංකු සහ විදේශ මූලාශ්‍රවලින් ලබාගත් ණය ඇතුළත්ව
සමස්ත ණය දළ දේශීය
නිෂ්පාතයෙන් ප්‍රතිශතයක් ලෙස රාජ්‍ය ණය79.278.374.4
සමස්ත ණය භාණ්ඩාගාර ඇපකර, රාජ්‍ය ව්‍යාපාර විසින්
බැංකු සහ විදේශ මූලාශ්‍රවලින් ලබා ගත් ණය ඇතුළත්ව90.493.483.9
ඒක පුද්ගල ණය (රු)රාජ්‍ය ණය295,165331, 659352,869
සමස්ත ණය, භාණ්ඩාගාර ඇපකර, රාජ්‍ය ව්‍යාපාර විසින්
බැංකු සහ විදේශ මූලාශ්‍රවලින් ලබා ගත් ණය ඇතුළත්ව337, 140, 395, 379, 427, 220
4.10 රජයේ සමස්ත ණය 2014 අවසානය වන විට දළ දේශීය නිෂ්පාදිතයෙන් සියයට 74.4 ක් පමණ වෙනවා. ජාත්‍යන්තර ප්‍රමිතීන්වලට අනුව මෙම ණය ඉහළ මට්ටමක පවතිනවා. මා මුලින් සඳහන් කළ අයිතම තුන ද ඇතුළත් කළහොත් සමස්ත ණය දළ දේශීය නිෂ්පාදිතයෙන් සියයට 88.9 ක් දක්වා වැඩි වෙනවා.
. මෙයින් අපට දෙන පණිවුඩය තමයි රටේ අයවැය සහ ගෙවීමට ඇති ණය අඩු කිරීම සඳහා ඉදිරියේදී ප්‍රබල හා නිර්මාණශීලී ක්‍රමවේදයන් යොදා ගැනීමට අවශ්‍ය වන බව.
4(11) පසුගිය රජය යටතේ ක්ෂේත්‍ර සුළු ප්‍රමාණයකට රජයේ අයවැයෙන් විශාලතම කොටස වෙන් කර තිබුණා. කෙසේ වෙතත් 2015 වර්ෂය සඳහා වූ විසර්ජන කෙටුම්පතෙහි සංශා්ධනයක් සිදුකර මෙම විෂමතාවය නිවැරදි කිරීමට අවශ්‍ය පියවර ගනු ඇත.
4(12) මෙවැනි සිදුවීම් යළි යළිත් අනාගතයේ සිදු වීම වළක්වා ගැනීම පිණිස අයවැය හිඟය සහ රටේ දැනට පවතින ණය ප්‍රමාණය අඩු කර ගැනීම සඳහා ශක්තිමත් මෙන්ම නවෝත්පාදන පියවරයන්ගේ අවශ්‍යතාවය මෙවැනි සිදුවීම්වලින් පිළිඹිඹු කරයි.
4(13) අපේ අලුත් යෝජනා ඉදිරිපත් කිරීමට පෙර මම කැමතියි ප්රධාන සාධක 2ක් පිළි
බඳව සඳහන් කරන්නට එනම් ආර්ථික වර්ධනය නාමික වැටුප් සහ ණය ගෙවීමේ බර යන්නයි.
5. ආර්ථික වර්ධනය හා නාමික වැටුප්
5.1 ශ්‍රී ලංකාව පහළ උද්ධමනයක් සහ පහළ රැකියා වියුක්ති අනුපාතයක් සහිත නැගී එන වෙළෙඳ ආර්ථිකයක් සහිත රටවල් අතර සාපේක්ෂ වශයෙන් ඉහළ ආර්ථික වර්ධනයක් තිබෙන රටක් වශයෙන් හඳුනාගෙන තිබෙන බව අපි දන්නවා.
5.2 ලෝකයේ ප්රධාන ආර්ථික නියමුවන් වශයෙන් කටයුතු කළ බටහිර ලෝකය අභිබවා ආසියානු කලාපයට වර්ධනය වීම සඳහා මේ ශත වර්ෂය විශාල අවස්ථාවක් ලබා දී තිබෙනවා. චිනය සහ ඉන්දියාව ලබා ඇති යෝධ ආර්ථික පියවර ආසියානු රටවල්වල හැකියාව ලෝකයාට ප්‍රදර්ශනය කර තිබෙනවා. ශ්‍රී ලංකාව සියයට 90ට වඩා වැඩි ආසියාවේ ඉහළම සාක්ෂරතාවයක් ඇති ජාතියක් වශයෙන් අපි ළඟා කරගෙන ඇති තත්ත්වය අපේ හැකියාවට සාපේක්ෂව ප්‍රමාණවත්ද යන්න විවේචනාත්මකව විග්‍රහ කළ යුතුව තිබෙනවා.
තිරසාර ආර්ථික වර්ධනය හා ස්ථාවරත්වය අධිවේගී මාර්ග ගුවන්තොටුපළවල් වරායන් සහ ගොඩනැගිලි මගින් පමණක් පවත්වා ගත නොහැකි වෙනවා. කෘෂිකර්මය, කර්මාන්ත සේවා කර්මාන්ත ආශ්‍රිත අපනයනවල තත්ත්වය කුමක්ද?
පිළිගත් ක්රමවේදය නම් සමස්ත සංවර්ධන සැලසුම් තුළ මාර්ග පද්ධති සහ වෙනත් විශාල යටිතල පහසුකම් අවශ්‍යතාවයන් සඳහා අවශය ප්‍රතිපාදන ලබා දීමයි. නමුත් එවැනි සංවර්ධන සැලැස්මක් තිබි නැහැ. ඒ වෙනුවට තෝරාගත් සුළු පිරිසකගේ ඵල ප්‍රයෝජනය සඳහා අවිධිමත් ලෙස ව්‍යාපෘති සැලසුම් කොට සමස්ත ආර්ථිකයම අවදානමට ලක් කර තිබෙනවා. දේශපාලන පවුලක් ඉහළට ඔසවා තැබිම හා අභිමානවත් කිරීම අරමුණු කරගත් තෝරාගත් නගර සංවර්ධනය මගින් ආර්ථිකය නැවත ගොඩනැගිය නොහැකි මට්ටමකට පත් කොට තිබෙනවා.
5.3 ශ්‍රී ලංකාවේ වාර්ෂික මූර්ත ආර්ථික වර්ධන වේගය පසුගිය අවුරුදු තුනක කාලය තුළ සියයට 7ක පමණ වූ අතර එම කාලය තුළදී නාමික ආර්ථික සංවර්ධන වේගය සියයට 15ක් පමණ වී ඇත. මෙහි ප්රතිඵලයක් වශයෙන් ඒක පුද්ගල ආදායමේ සැලකිය යුතු වර්ධනයන් ඇති වී ඇති අතර එය 2014 දී ඇ. ඩොලර් 3,646 ක් එනම් රුපියල් 477,600 ක් වශයෙන් ඇස්තමේන්තු කර ඇති ජාත්‍යන්තර වර්ගීකරණය අනුව මෙය මැදි ආදායම් රටක ආර්ථික මට්ටමට සමානවේ.
5.4 කෙසේ වෙතත් ජාතික ආදායමේ නාමික වර්ධනයෙන් රටේ පුරවැසියන්ගේ ජීවන මට්ටමේ වැඩි දියුණුවීම නිරූපණය නොවේ. මේ සඳහා අපි රටේ සාමාන්‍ය පුරවැසියන් දෙස බලා ඔවුන් තුළ ඒක පුද්ගල ආදායම් සංඛ්‍යාවලින් පෙන්වන සෞභාග්‍යතා මට්ටමක් තිබේද යන්න නිරීක්ෂණය කළ යුතුය. එසේ නොවේනම් මේ කරුණු දෙක අතර සම්බන්ධයක් නැත. අපේ ගැරු අග්‍රාමාත්‍යතුමා නිතරම සඳහන් කර ඇති පරිදි සංවර්ධනයේ ප්‍රතිලාභ එක් වරප්‍රසාදලත් පිරිසකට පමණක් සීමා නොකර රටේ සියලුම පුරවැසියන්ට ලබා දීමට මෙම රජය කටයුතු කරනවා. අපි තෝරා ගත් පවුල් කිහිපයක පමණක් සෞභාග්‍ය ළඟා කර ගැනීම විශ්වාස නොකරන අතර ශ්‍රී ලංකා මාතාවගේ සියලුම පුරවැසියන්ගේ දියුණුව උදෙසා කටයුතු කරනවා.
5.5 සමහරක් නාමික වැටුප් කාණ්ඩ වැඩී වී ඇත්තේ අඩු අනුපාතයකිනි. උදාහරණයක් වශයෙන් රාජ්‍ය සේවයේ නාමික වැටුප සියයට 10කට වඩා අඩු ප්‍රතිශතයකින් පසුගිය අවුරුදු දෙකක කාලය තුළදී වැඩි වී ඇත. එම ප්‍රමාණය උද්ධමනය සමග සසඳා බලන විට වාර්ෂික මුර්ත වැටුප් වර්ධනය සියයට 5ක් පමණ වන අතර එමගින් පවුලක මිල දී ගැනීමේ හැකියාවේ ප්‍රමාණවත් වර්ධනයක් පෙන්නුම් නොකරයි. ඊට අමතරව, ශ්‍රම බලකායේ ඇතැම් කොටස්වල මුර්ත වැටුප අඩු වී ඇත.
5.6 මේ නිසා වැටුප් මට්ටම් සහ මිල මට්ටම්වලට යම් යම් වෙනස්කම් ඇති කළ යුතුය. දින සියයේ විප්ලවකාරී වැඩසටහන මගින් මසක වැටුප රුපියල් 10,000 කින් වැඩි කොට එයින් රු. 5,000ක්2015 පෙබරවාරි මාසයේදී ලබා දී ඉතිරිය 2015 ජුනි මාසයේ දී ලබා දීමට සැලසුම් කොට ඇත. මේ අනුව රජයේ සේවකයන්ගේ නාමික වැටුප 2015 දී 2014 වැටුපට සාපේක්ෂව සියයට 47 කින් වැඩි වනු ඇත. මූර්ත වැටුපේ වර්ධනයද 2015 දී පසුගිය වසරට වඩා සියයට 40කින් වැඩි වනු ඇත. මෙය පහළ උද්ධමනකාරී තත්ත්වයක් තුළ සිදුවීම විශේෂත්වයකි.
5.7 තෝරාගත් භාණ්ඩ සහ සේවාවල මිල අඩු කිරීම් මගින් සියලුම පවුල්වල මූර්ත ආදායම ඉහළ යනු ඇත. මේ අනුව, ඉදිරියේ දී සියලුම ශ්‍රී ලාංකිකයන්ගේ අනාගතය සමාන අවස්ථා සහ යහපාලන රාමුවක් තුළ වැඩි දියුණු වනු ඇත.
6. ණය නැවත ගෙවීමේ වගකීම (ණය බර)
6.1 අප දන්නා පරිදි ණයසේවාකරණය රජයේ අයවැය මෙහෙයුම් සඳහා විශාල පීඩනයක් ගෙන දෙනවා. 2015 වසර සඳහා පමණක් පොලී ගෙවීම් සඳහා රුපියල් බිලියන 425 ක් සහ ණය ගෙවීම් සඳහා රුපියල් බිලියන 840 ක් වශයෙන් සමස්ත ණය සේවාකරණය සඳහා රුපියල් බිලියන 1,265 ක් අවශ්‍ය වෙනවා.
6.2 මෙය 2015 සංශෝධිත අයවැයේ ආදායමෙන් සියයට 77 පමණ වෙනවා. මෙය අයවැය මගින් ජනතාවට බොහෝ අත්‍යවශ්‍ය සේවා ලබා දීමට හැකි ඉඩ සැලකිය යුතු මට්ටමකින් සීමා වීමට හේතුවෙනවා. ණය ආපසු ගෙවීම් සම්බන්ධව පහත සඳහන් කොන්දේසි කෙරෙහි අවධානය යොමු කිරීමට මා කැමතියි.
අ. 2015 දී ද්වීපාර්ශ්වික සහ බහුපාර්ශ්වික ආයතනවලට ගෙවීමට ඇති ණය ගෙවීම්, වාණිජ ණය ගැනීම් සහ අපනයන ණය සඳහා වූ ණය සේවාකරණ ගෙවීම් ඇ.ඩොලර් මිලියන 1,394 ක් පමණ වෙනවා. ඉදිරි වර්ෂ 05 සඳහා මෙම මූලාශ්‍රවලට අදාළ සමස්ත ණය සේවාකරණ ගෙවීම් ඇ.ඩොලර් මිලියන 8,461 ක් පමණ වෙනවා. 2014 වසර අවසානයේ දී ගෙවීමට ඇති ජාත්‍යන්තර ස්වෛරීත්ව බැඳුම්කර ඇ.ඩොලර් මිලියන 5,000 ක්ද මෙයට ඇතුළත් වන අතර මෙයින් විශාල ප්‍රමාණයක් 2015-2020 කාල පරිච්ජේදය තුළ දී කල් පිරෙනු ඇත.
ආ. ජාත්‍යන්තර ප්‍රාග්ධන වෙළෙඳ පොළේ ඉහළ යන ඵලදා අනුපාත තත්ත්වයක් හමුවේ රාජ්‍ය සුරැකුම්පත්වල ආයෝජනය කර ඇති විදේශ ආයෝජනයන් කල් පිරීමට පෙර අලෙවි කිරීම සහ භාණ්ඩාගාර බිල්පත්වල සහ බැඳුම්කරවල සිදුකර ඇති විදේශ ආයෝජන ක්‍රමානුකූලව කල් පිරීමද සිදුවිය හැක.
ඇ. විශාල පරිමාණයේ ව්‍යාපෘති සඳහා මෑතකදී ලබාගෙන ඇති බොහොමයක් ණයවල ආරම්භක අවුරුදු 3-4 ක් පමණ වූ සහන කාල සීමාව අවසන් වෙමින් මේ අවුරුද්දේ සිට ණය ගෙවීම ආරම්භ කිරීමට සිදුවනු ඇත.
ඈ. ආරක්ෂක කටයුතු සඳහා ලබාගෙන ඇති ඇ. ඩොලර් මිලියන 15ක් පමණ වන ණය ද අපිට ගෙවීමට තිබෙනවා. මීට අමතරව හෙජින් ගනුදෙනුව සම්බන්ධව ඇත්ත වශයෙන් අප ගෙවිය යුතු ප්‍රමාණය පිළිබඳව අපට අවබෝධයක් නැහැ.
6.3. මෙම ණය සේවාකරණ ගෙවීම් එකතු කළ විට සැලකිය යුතු ප්‍රමාණයක් වන අතර ඒ තුළින් ඉදිරි වසරවලදී රටින් පිටතට ගලා යන විදේශ මුදල් ප්‍රමාණය ඉහළ යනු ඇත. ඒ අනුව කෙටි කාලීන ණය බර ප්‍රමාණය, රටේ විදේශ සංචිත ප්‍රමාණයටම සමාන විය හැකිවේ. පසුගිය අවුරුදු කිහිපයක තුළ ලබා දුන් විදේශ ණයවලට අදාළ පොලී අනුමාණ ඇමුණුම් ක් දැක්වේ.
6.4 මේ තුළින් පැහැදිලිව පෙන්වනවා. අද අපේ රටේ ආර්ථිකය කොතරම් අවදානම් තත්ත්වයකට පත්වී තිබේ ද යන්න. මේ නිසා අපනයන ආදායම් වැඩි කිරීම සහ කෙටි කාලීන ණය වගකීම් දීර්ඝකාලීන ණය බවට පත් කොට විදේශ අංශයේ ස්ථාරවයත්වය හා අයවැයි මෙහෙයුම් කටයුතුවලට ඇති පීඩනය අඩු කිරීමේ දැඩි අවශ්‍යතාවය තිබෙනවා.
7. වියදම් යෝජනා
7.1 අද ඉදිරිපත් කෙරෙන මෙම ප්‍රකාශය “දින සියයේ වැඩසහන” තුළ වූ ඉතා වැදගත් පියවරක් ලෙස සැලකිය හැකියි. එබැවින් එය “දින සියයේ විප්ලවය” ලෙස හැඳින්වෙනවා. මගේ ඇසින් බලන කල එය “දින සියයේ අභියෝගයක්” මෙහිදී ඉදිරිපත් කරන මහජනතාව වෙත පිරිනමනු ලබන සහන අප දින සියයේ වැඩ සටහනින් පොරොන්දු වූ ඒවාටත් වඩා ඉදිරියට ගිය වැඩ පිළිවෙළක්
7.2 මෙයට අදාළ වියදම් සඳහා අප ආදායම් ද සොයා ගත යුතුයි. ඒ ඔස්සේ ණය බර වැඩි නොකිරීමට අප අදිටන් කරගෙන සිටිනවා. පුද්ගල ප්‍රතිරූපය නංවාලීම පිණිස කළ වියදම් හා අහිතකර නාස්තිකාර වියදම් සඳහා පසුගිය කාලයේදී අයවැය යටතේ ප්‍රතිපාදන ලබාගෙන කුඩා කණ්ඩායම් වඩා පහසු ජීවිතයක් ගත කර ඇති බව කිව යුතියි.
7.3 ගරු කථානායකතුමනි, පාර්ලිමේන්තු මන්ත්‍රීවරුනි, අහිතකර ජීවන බර හේතුවෙන් කිව නොහැකි තරම් දුෂ්කරතා රැසකට පසුගිය දශකය පුරා මුහුණ දුන් ශ්‍රී ලංකාවාසී ජනතාව මෙමගින් සලසන සහන නිසා නිතැතින්ම සතුටට පත්වනු නියතයි. අපගේ ජනතාවගේ දිළිඳුකම කණ්ඩායම්වල ජීවන බර අඩු කිරීමට අප විශේෂයෙන් අවධානය යොමු කර තිබෙනවා. ඔවුන් අපගේ ජාතියේ විශේෂ කොටස්කරුවන්, ධනවතුන් හා සුපිරි ධනවතුන් රටේ උන්නතිය සඳහා සැලකිය යුතු දායකත්වයක් ලබාදීමට කාලය පැමිණ ඇති බැව් මගේ විශ්වාසයයි.
